Cerite Betawi

Syahdan abis pemilu presiden, Indonesia akhirnya punye presiden baru. Tuh presiden entah dari partai mana akhirnya menang pemilu.

Warga Kampung betawi di Jakarta pade girang, pasalnye, Ntu Presiden baru katenye Presiden pertama Indonesia nyang punye keturunan betawi, orang-orang aje manggil dia pake sapaan "bang".. Bang Husen namanya.

Termasuk Bang Mahmud dan bang Yasin, Bang Yasin adalah tokoh di kampung betawi di kawasan sepanjang jalur Gajah Mada, jalur busway maksudnya... Terus Bang Mahmud adalah pemuka di kampung betawi di Tepi Jakarta Barat. Bang mahmud ngarep supaya presiden baru ini bakal ngasi perubahan sikap ke orang-orang betawi.

Selama ini dia ngakuin emang, perlakuan ke orang-orang betawi rada-rada ga bagus. Pantes aja kalo organisasi anak-anak betawi FBR suka cenderung keras. Faksi garis keras lah kerennya...

Menurut mereka bedua, orang-orang betawi, kalo kasarnya sih, disingkirin dari tanahnya sendiri. Dulu mereka nguasain seantero Jakarta, nah sekarang mereka malah cuman bisa tinggal di pinggiran doang.

Pihak berwenang suka seenaknya ngambil kepemilikan tanah, terus tau-tau tuh tanah udah jadi pemukiman orang-orang pendatang aja. Mana juga sombong lagi pamukimmnye, pake bikin tembok bates komplek tinggi, terus ga ngebiarin orang-orang betawi masuk ke kompleknya...

Nah mereka bedua sekarang bener bener ngarep nih kalo Bang Husen si Presiden baru bisa ngebenerin kehidupan rakyat betawi, kan dia juga punya turunan betawi.

Tapi tiba-tiba ada kejadian di awal taon berikutnya. Ada tawuran antara penduduk kampung betawi & satpam keamanan komplek orang kaya... Lah masalahnya apaan? Masalahnya sepele, di malem taun baru anak-anak nyalain petasan roket same meriem bambu, nah konon mereka nembakinnya salah arah, nyasar ke komplek orang kaya....

Kaga tanggung-tanggung, satpam komplek langsung nguber yang katanya "pihak-pihak yang bertanggung jawab atas penembakan petasan roket dan meriam ke wilayah pemukiman kami"

Yah jadi tawuran dah. Anak-anak FBR bilang ente jual ane beli, ribut dah. Tapi yah mau ribut gimana juga kaga seimbang, senjatanya satpam kan lebih kuat.

Akhirnya ribut-ribut berenti waktu beritanya sampe ke tangan pemerintah. Tapi sanyangnya pemerintah ikut nyalahin orang-orang betawi.

Sekarang kampung mereka porak poranda, konon butuh 5 taon buat ngerestortasiinnya lagi... Yah bukan gara-gara tawuran doang sih, memang gara-gara banjir juga kemaren...

Tapi bukan itu yang bikin bang Mahmud dan Bang Yasin sekarang kecewa, mereka kecewa ngedenger pernyataan Bang Husen yang ngomentarin tawuran kemaren. Kata Bang Husen dia bisa ngerti keganggunya orang-orang yang ditembakin meriam bambu, terus dia nyalahin orang betawi deh...

Lah nih presiden, katanya punya turunan betawi, tapi kenape malah ngebelain orang laen, bukan belain orang-orang betawi juga. Kalo kata Bang Yasin sih "wajar dia kaga ngarti, dia kan kaga pernah tinggal di kampung betawi, dia sih kan orang Menteng".

Yah begitulah nasib betawi, terusir dari tanahnya sendiri. PBB juga kayanya ga peduli, lah buktinya rumah bang Mahmud nyang dulu digusur di Kebon Kacang sekarang jadi kantor PBB...

Hhh.. Jadi udah lah ga usah ngarep ketinggian sama presiden yang katanya pernah punya kesamaan historis lah, yang pernah tinggal depan rumah lah, yang sama-sama item lah kulitnya... Takut nyesel kaya Bang Mahmud & Bang Yasin...